Loading... आजः आइतबार , जेठ १३, २०८१

काठमाडौँ छिर्ने सबै नाका सिल


काठमाडौं उपत्यका प्रवेश गर्ने सबै नाका बिहीबारदेखि सिल गरिएका छन्। लकडाउन अवधिभर अत्यावश्यक कामबाहेक सवारी लिएर वा पैदल आउनेलाई प्रवेश अनुमति नदिने व्यवस्था गर्न उपत्यकाका सबै स्थानीय तहलाई गृह मन्त्रालयले परिपत्रसमेत गरेको कान्तिपुर अनलाइनले लेखेको छ।

गृहमन्त्री रामबहादुर थापा बादलसहित काठमाडौं, ललितपुर र भक्तपुरका प्रमुख जिल्ला अधिकारी, प्रहरी प्रमुखको बैठकमा मेयरहरूले उपत्यकालाई तत्कालै सिल गर्न माग गर्नु भएको थियो। उहाँहरूको माग अनुसार लकडाउन अवधिभर सबै नाकामा जाँच र निगरानीमा थप कडाइ गर्न गृहले दिर्नेशन दिएको हो। अत्यावश्यक कामबाहेक लुकिछिपी प्रवेश गर्नेहरूलाई पनि रोक्न निर्देशन गरिएको छ।

उपत्यका प्रवेश गर्नैपर्ने अत्यावश्यक काम भएका व्यक्तिले आरडीटी विधिबाट कोरोना भाइरस परीक्षण गरेको रिपोर्ट देखाउनुपर्ने छ। त्यो पनि आफ्नै खर्चमा गर्नुपर्ने गृहले सूचित गरेको छ। यसअघि लकडाउनमा पनि लुकिछिपी उपत्यका प्रवेश गर्नेहरूका कारण कोरोना फैलिएको भन्दै गृहले उनीहरूको खोजी गरी लगत संकलन गर्न पनि स्थानीय तहलाई निर्देशन दिएको छ।

Insert your Ads code here

काठमाडौं आउन चाहनेलाई सम्बन्धित जिल्लामै सुरक्षा निकायले विशेष निगरानीका साथ रोक्ने र आगमनमा कडाइ गर्ने व्यवस्था गर्न पनि सम्बन्धित प्रशासनलाई निर्देशन दिएको छ। सबै स्थानीय तह होटेल, पार्टी प्यालेस, सामुदायिक भवन र अन्य सम्भाव्य स्थललाई क्वारेन्टाइन बनाउने गरि लगत संकलन गर्न सुझाएको छ। त्यसमा बस्ने व्यक्तिबाट नै क्वारेन्टाइन खर्च भुक्तानी गर्नेगरी व्यवस्थापनको कार्य अघि बढाउन पनि आग्रह गरेको छ।

कोरोना परीक्षणका क्रममा केही व्यक्तिको आरडिटी पोजिटिभ देखिएपछि दक्षिणकाली नगरपालिकाले कार्यालय बन्द गर्ने निर्णय गरेको छ। अर्को निर्णय नभएसम्म नगरपालिका, वडा कार्यालय, वडा नम्बर ५ को शेषनारायण स्वास्थ्य चौकी र मनमोहन स्मृति सामुदायिक अस्पतालबाट प्रवाह हुने सबै सेवा बन्द गर्ने निर्णय गरेको हो। नगर क्षेत्रमा संक्रमण फैलिन नदिन तत्कालका लागि कार्यालय बन्द गर्नुपरेको मेयर मोहन बस्नेतले बताउनुभयो।

बुधबार नगरपालिका जनप्रतिनिधि, स्वास्थ्यकर्मी, कर्मचारीलगायतको कोरोना परीक्षण गरिएको थियो। थप संक्रमण फैलिन नदिन ‘कन्ट्याक्ट ट्रेसिङ’का लागि टोली परिचालन गर्ने निर्णय गरिएको बस्नेतले बताउनुभयो। दक्षिणकाली–५ को त्रिभुवन आदर्श माविमा तत्कालै क्वारेन्टाइन बनाउने र चाल्नाखेल प्राथमिक स्वास्थ्य केन्द्रमा रहेको क्वारेन्टाइनलाई थप व्यवस्थापन गरिने उहाँले बताउनुभयो। यसँसगै फोहोर पनि घर, टोल र वडाभित्रै व्यवस्थापन गर्न आग्रह गरिएको मेयर बस्नेतको भनाइ छ।

Please follow and like us:


तपाइँकाे प्रतिक्रिया


error: Content is protected !!