गाउँपालिका अध्यक्ष ८लाख घुससहित पक्राउ

जाजरकोट जुनिचाँदे गाउँपालिका अध्यक्ष कृष्ण बहादुर केसीलाई ८ लाख घुससहित अख्तियार दुरुपयोग अनुसन्धान आयोगको सुर्खेत कार्यालयको टोलीले रंगेहात पक्राउ गरेको छ।

प्रदेश विकास परिषद्को बैठक भाग लिन सुर्खेत आएका बेला अध्यक्ष केसीलाई उपभोक्ता समितिबाट ८ लाख रुपैयाँ घुस लिएको सूचना आधारमा पक्राउ गरिएको हो।

अख्तियार दुरुपयोग अनुसन्धान आयोग सुर्खेत कार्यालयका सूचना अधिकारीले गाउँपालिका अध्यक्ष केसीलाई उक्त घुससहित नियन्त्रणमा लिएको पुष्टि गरे। अख्तियारको टोलीले उनलाई नियन्त्रणमा लिएर मुचुल्का गरेको र कार्वाही प्रक्रिया अगाडि बढाउन थालेको बुझिएको छ।

तपाइँकाे प्रतिक्रिया