चीन र नेपालबीच कूटनीतिक सम्बन्धको ६५औँ वार्षिकोत्सवलाई विभिन्न व्यक्तिको शुभकामना

नेपाल-चीन पारस्परिक सहयोग समाजका अध्यक्ष प्रेम सागर पाैडेलले नेपाल र चीन बीचको कुटनैतिक दाैत्य सम्बन्ध स्थापनाकाे ६५अाैं वार्षिकोत्सबका अवसरमा शुभकामना ब्यक्त गर्दै भन्नुभएको छ: नेपाल र चीन बीचको मैत्री सम्बन्धको इतिहास निकै पुरानो रहेको छ र सधैंभरि रहिरहने छ। ६५ वर्ष अगाडि कूटनीतिक सम्बन्ध स्थापना भएदेखि यता दुवै देशले एक अर्कालाई समानता, सहअस्तित्व, राजनीतिक, अार्थिक, साँस्कृतिक, धार्मिक क्षेत्रमा पारस्परिक विश्वास बढाउँदै, पारस्परिक लाभका अाधारमा सहयोगको अादानप्रदान र सम्मान गरेका छन्। पछिल्लो समय नेपालका महामहिम राष्ट्रपति विद्यादेवी भण्डारी र चीनका महामहिम राष्ट्रपति सी चिनफिङ्गले भ्रमणकाे आदानप्रदान गर्नुभयो। जसले दुई देशबीचको सम्बन्ध विकास र समृद्धिमा केन्द्रित रणनीतिक र सहकारी साझेदारीमा महत्त्वपूर्ण भूमिका खेलेको छ।

चीन र नेपाल मित्रतामा स्वर्ण अक्षरले नयाँ अध्याय लेख्दै दुई देश एक अर्कालाई सहयोग गर्दै काेराेना महामारी विरुद्ध एकसाथ अगाडि बढिरहेका छाैं। यसबाट नेपाल र चीनबीचकाे सम्बन्धको विकासमा ठूलो महत्त्व पुगेको छ। हामी दुई देशबीचको सम्बन्धलाई अघि बढाउन, दुई देशका जनतालाई बढी फाइदा पुर्‍याउन र क्षेत्रीय स्थायित्व र विकासमा सकारात्मक योगदान पुर्‍याउन नेपाल र चीन सरकार तथा जनस्तरमा काम गर्न इच्छुक छाैं। हामीबीचको अापसी विश्वास र एकताबाट चिनियाँ राष्ट्रपतिले अगाडि सार्नुभएकाे विचारधाराले विश्वभरिका मानव समुदायको भाग्य र भविष्य निर्माण गर्ने साथै विनविन अवस्था सिर्जना हुने विश्वास लिएका छाैं।