जथाभावी फोहर नफालिदिन वडाअध्यक्ष ः– पोखरेलको अनुरोध
बर्दिया राजापुर
साउन २८
सनिबार राजापुर बजार सरसफाई गरिएको छ । राजापुर नगरपालिका वडा नं ४को सहयोगमा वडा स्तरिय युवा सञ्जाल राजापुर नगरपालिका ४को आयोजनामा बृहत सरसफाई कार्यक्रमको आयोजना गरिएको छ ।
राजापुर नगरपालिका वडा नं ४का अध्यक्ष बिदुर पोखरेलले दैनिकरुपमा कर्मचारी राखेर राजापुर बजार सरसफाई कार्यभइरहेको भएतापनि दिउँसोको समयमा जथाभावी फोहर फालिदिनाले बजार राम्रो नदेखिएका कारण जनचेतना जगाउन सरसफाई कार्यक्रमको आयोजना गरिएको बताउँदै जथाभावीरुपमा घरको फोहरहरु नफालिदिन बजारवासीहरुमा अनुरोध गदै बजारमा राखीएको डस्विनमा मात्र फोहर फालिदिन र घरको फोहर बिहान फोहर लिन आउने गाडीमा राखी दिन अनुरोध गर्नु भएको छ । वहाँले राजापुर नगरलाई सफा स्वच्छ सुन्दर बनाउन हरेक नागरिकहरुको उतिकै जिम्मेवारी बताउनु भयो । कार्यक्रममा बर्दिया उद्योग वाणिज्य संघका अध्यक्ष केदार थापा, बजार व्यवस्थापन तथा सरसफाई समितिका अध्यक्ष बैधनाथ झा लगायतको बोल्दै , राजापुर बजारलाई सरसफाई युक्त सुन्दर बनाउन का लागि जनचेतना जगाउन यस कार्यक्रमको आयोजना गरिएको बताउदै डस्विनमामात्र फोहर राख्न र घरको फोहर जथाभावी नफालिदिन अनुरोध गरिएको थियो ।
सरसफाई कार्यक्रममा वडा नं ४का जनप्रतिनिधीहरु, वडा स्तरिय युवा सञ्जाल पदाधिकारीतथा सदस्यहरु , ईलाका प्रहरी कार्यालयका प्रहरीहरु, बजार व्यवस्थापन समितिका पदाधिकारीहरु, समाजसेवी, ब्यापारीहरु, पत्रकारहरुको उपस्थित रहेको थियो ।
