नेपाली सेना जहिले पनि अब्बल रहेको छ। जस्तोसुकै परिस्थितिमा पनि नेपाल र नेपालीको पक्षमा चट्टान जसरी उभिएको गाैरवपूर्ण इतिहास भएको नेपाली सेनाले दार्चुलाको घाँटीबगर इलाकामा कडा चट्टान रहेको भीरमा ४ सय ६० मिटर गोरेटो बाटो निर्माण गरेको छ।
नेपाली सेनाले यही भदौ मसान्तभित्रै ५५० मिटर सो गोरेटो बाटोको ट्रयाक खोलिसक्ने तयारी गरेको छ। भारतले सडक निर्माणका क्रममा अवरुद्ध रहेको घाँटीबगर क्षेत्रमा बाटो अवरुद्ध हुँदा व्यासको छांगरु र तिंकरका बासिन्दालाई आवतजावत गर्न समस्या थियो। गत जेठ ९ गतेदेखि नेपाली सेना परिचालन भएर यो क्षेत्रमा गोरेटो बाटो निर्माणको कार्य अघि बढाइएको हो।
नेपाली सेनाले निर्माण गरिरहेकाे बाटो खुलेसँगै व्यासका बासिन्दालाई आवतजावतमा सहज हुने विश्वास लिइएको छ। पछिल्लो समय कोभिड–१९ का कारण सीमा नाका बन्द हुँदा त्यहाँका बासिन्दाले भारतीय बाटोको प्रयोग गर्न पाएका छैनन्।
