पूर्वप्रधानमन्त्री खनालद्वारा आगलागीको घटनाप्रति दुःख व्यक्त

पूर्वप्रधानमन्त्री झलनाथ खनालले गए राति इलामको माईजोगमाई गाउँपालिका–३ शुक्रबारेमा भएको आगलागीको घटनाप्रति दुःख व्यक्त गर्नुभएको छ।

इलाम क्षेत्र १ का सङ्घीय सांसद खनालले आज (मंगलबार) प्रेस विज्ञप्ति जारी गर्दै आगलागीबाट क्षति पुगेकाहरुलाई तत्काल राहत जुटाउन र यथाशक्य सहयोग गर्न आग्रह गर्नुभएको हो। नेपाल कम्युनिष्ट पार्टी (नेकपा) का वरिष्ठ नेता खनालले पीडित परिवारलाई तत्काल उचित बसोबासको व्यवस्थाका साथै राहतको प्रबन्ध मिलाउन स्थानीय तह र सरोकार निकायलाई अनुरोध गर्नुभएको छ।

यसैबीच माईजोगमाई गाउँपालिकाले पीडित परिवारका लागि रु ५० हजार सहयोग गर्ने भएको छ। आगलागीबाट तीन घर जलेर पूर्ण नष्ट भएका छन्।

तपाइँकाे प्रतिक्रिया