बर्दियामा पाटेबाघको आक्रमणबाट एक जनाको मृत्यु

 

सोमबार, मंसिर १३, २०७८
बर्दिया । जिल्लाको गेरुवा गाउँपालिका वडा नं.–४ राजिपुर बस्ने ६० बर्षिय कालुराम थारुको पाटेबाघको आक्रमणबाट १२ गते आईतवार मृत्यु भएको छ ।

बर्दिया राष्ट्रिय निकुञ्जले दिएको जानकारी अनुसार १२ गते आईतवार साँझ ३ः४५ बजेको समयमा निकुञ्जको मध्यवर्ती क्षेत्रमा बस्तुभाउ चराउन गएको बेला निकुञ्जबाट आएको पाटे बाघले आक्रमण गरि ज्यान लिएको हो ।
बर्दिया राष्ट्रिय निकुञ्ज क्षेत्र र खाता जैविक मार्ग आसपासमा यस आर्थिक बर्ष २०७८/०७९ मा ३ जनाले जंगली जनावरबाट ज्यान गुमाई सकेका छन ।

तपाइँकाे प्रतिक्रिया