सत्ती कर्णाली सामुदायिक वन पर्यटकीय स्थलको रुपमा बिकास गरिदै
मान बहादुर ठकुल्ला /
टीकापुर । टीकापुर नगरपालिका वडा नं. ७ स्थित सती कर्णाली सामुदायिक वन उपभोक्ता समुहलाई पर्यटकीय स्थलको रुपमा बिकास गरिदै आएको छ । यो सामुदायिक वन कार्य समितिका पदाधिकारीको सक्रियताबाट बिकाश भएको हो । यो सामुदायिक वनले पर्यटकिय रुपमा समेत आफुलाई ओगट्न सफल भएको छ ।
वन नजिकै नेपालकै ठुलो शिवलिङ्ग रहेको पदमप्रकाशेश्वर मन्दिर समेत छ । वनको केहि दुरीमा बर्दिया राष्ट्रिय निकुञ्ज हुँदा यस वनमा हात्ती, गैंडा, बाघ जस्ता जनावरहरु आउने जाने प्रक्रिया चलिरहने हुदा पनि पर्यटकिय रुपमा बिकास गरिन लागेको टिकापुर नगरपालिका वडा न ७ का वडाअध्यक्ष रामलाल डगौंरा थारु बताउनु हुन्छ ।समय समयमा लोपोन्मुख बन्यजन्तु सरीसृप अजिङ्गर पनि यहि देखिन्छन । यो सामुदायिक वन भित्र पिकनिक स्थल पनि छ । दशै तिहार देखि नयांँ बर्षको समयमा यहाँ पिकिनिक खानेहरुको भिड पनि लाग्ने गर्दछ । २५८.६३ हेक्टर जमिनमा फैलिएको वनको पश्चिमतिर ठुलो ताल छ भने पुर्व पट्टि कर्णाली नदि । दक्षिणमा कर्णाली पुल छ ।
यस्तै वनभित्र पिकनिक खानेहरुका लागि खानेपानीको ट्याङ्की, विश्राम घर, गोल घर लगायत खसी, कुखुरा काट्ने व्यवस्थित स्थल पनि बनाइएको छ । सामुदायिक वनमा भ्युटावर, सामुदायिक बन क्षेत्रमा दुई वटा काठेपुल भएकाले पनि यो सामुदायिक वन रमणीय बन्दै गएको छ ।बेत र अजिङ्गर प्रसस्त पाईने यो सामुदायिक वन २०५१ सालमा स्थापना भएको हो । यस सामुदायिक वनमा १ हजार १ सय जना उपभोक्ता छन भने वनमा हाल ३ जना कार्यालय कर्मचारी, ४ जना बन हेरालु र २ जना ड्राइभर छन ।वर्षायाम भएका कारण वनमा लगाइएका फूलका बोटहरुलाई नोक्सान भयो–‘तर अब केहि दिनमा वनभित्र सरसफाई गर्दैछौ सो सामुदायिक वनका अध्यक्ष धनसिह साउँदले मलवारासंगको कुराकानीमा भन्नुभयो ।
उहाँका अनुसार यस सामुदायिक वनलाई पर्यटकिय स्थलका रुपमा बिकास गर्नका लागि नगरपालिकाले डिपिआर समेत गरि सकेको छ । अध्यक्ष साउदको नेतृत्वमा निर्वाचित कार्य समिति पश्चात वनलाई आर्थिकरुपका साथै संरक्षणका दृष्टिकोणले राम्रो बनाइएको स्थानियहरुले बताउदै आएका छन ।
टीकापुर नगरपालिका वडा नं.८ सामुदायिक वनका उपभोक्ता कृष्णगोपाल चौधरी भन्नुहुन्छ –‘हामीले आफ्नो र पराइ नभनी, जसले राम्रो काम गर्छ उसलाई हौसला पनि दिनु पर्छ यसका पात्र अध्यक्ष धनसिँह साउद हुनुहुन्छ ।’ वनलाई अझै र पर्यटकिय रुपमा व्यवस्थित गर्न सबै उपभोक्ताहरुले सकारात्मकरुपमा लाग्नुपर्ने समेत चौधरीको भनाइ छ ।
यसैगरी सत्ती कर्णाली सामुदायिक वनका कोषाध्यक्ष मनिराम ढुंगानाका अनुसार वनलाई चारैतिर तारबार गर्नपनि आवश्यक छ । विभिन्न संघ संस्था र स्थानिय निकाय संग समन्वय गरेर केही मात्रामा तारबार गर्न सफल भएका छौं । आगामि दिनमा वनलाई थप व्यवस्थित गर्दै जाने कुरामा ढुंगानाको प्रतिबद्धता छ ।
