सलह किरा भारतबाट नेपाल प्रवेश
केही समयदेखि चर्चामा रहेको सलह किरा भारतबाट नेपाल प्रवेश गरेको छ। आज विहान साढे सातदेखि आठ बजेको समयमा भारतको विहार हुँदै भैरहवादेखि नवपुर क्षेत्रमा प्रवेश गरेको हुनसक्ने सहल किरा नियन्त्रणका लागि सरकारले गठन गरेको प्राविधिक समितिमा संयोजक तथा प्लान्ट क्वारेन्टाइन तथा विषादी केन्द्रका प्रमुख सहदेव हुमागाईले बताउनुभयो। नागरिकन्यूज डटकमका अनुसार सलहको बथान कति ठूलो छ भन्ने यकिन नभएकोले भारतबाट बथान फुटेर तितरवितर भएर आएको हुनसक्छ।
‘आएको जानकारी भएपछि कृषि ज्ञानकेन्द्रसँग समन्वय गरेर प्राविधिकहरु पठाएका छौं, थप जानकारी आउन बाँकी छ,’ हुमागाइँले भन्नुभयो,’ अहिले किरा यत्तिमै रुख र भुईंमा बसेको जानकारी आएको छ, सलह हो या त्यही प्रजातिको किराहो अनुन्धान गर्दै छौं ।’
उनले उनले भने,’हामीलाई प्राप्त केही फोटो र भिडियो छन् तर ति स्पष्ट भएनन्, थप छलफलमा हाम्रो प्राविधिक समिति जुटेको छ ।’ रुपन्देहीका प्रमुख जिल्ला अधिकारी महादेव पन्थले यस विषयमा आफूलाई जानकारी नआएको बताउनुभयो।
